የውጭ ኦዲት አገልግሎት የውድድር ጨረታ ማስታወቂያ

የጨረታ ቁጥር:- ደ/ኢ/የት/ተ/አ/ማ/001/2019 ዓ.ም.

ደሊጀንት ኢንተለክችዋልስ የትምህርት ተቋም አክሲዮን ማህበር ከ2012ዓ.ም እስከ 2018ዓ.ም የሒሳብ ዓመታት የፋይናንስ ሪፖርቶችንና የሒሳብ መዝገቦችን በሕጉና በተፈቀዱ የኦዲት ደረጃዎች መሠረት ለማስመርመር ብቃት ያላቸውን የውጭ ኦዲት ድርጅቶች በግልጽ ውድድር ለመምረጥ ይህን የጨረታ ግብዣ በኢትዮጵያ ፕሬስ ድርጅት ጋዜጣ ላይ ያስታውቃል።

1. የኦዲት ሥራው ወሰን

• የዓመታዊ የፋይናንስ መግለጫዎችን፣ የገቢና ወጪ መዝገቦችን፣ የባንክ ሂሳቦችን፣ የደመወዝ፣ የተማሪ ክፍያ፣ የቋሚ ንብረትና የታክስ ሰነዶችን መመርመር።
• የውስጥ ቁጥጥርንና የሒሳብ አያያዝ ሥርዓቱን መገምገም፣ ጉድለቶችን እና የማሻሻያ ምክረ ሐሳቦችን ማቅረብ።
• በተገቢው የኦዲት ደረጃ መሠረት የኦዲት ሪፖርት፣ የአስተዳደር ደብዳቤ/ማስታወሻ እና ሌሎች የሚያስፈልጉ ሰነዶችን ማቅረብ።
• የሚመረመሩት የሒሳብ ዓመታት:- ከ2012 እስከ2018ዓ.ም።

2. ተወዳዳሪዎች ማሟላት የሚጠበቅባቸው ቅድመ ሁኔታዎች

1. በኢትዮጵያ ሕግ መሠረት የተመዘገበ እና የኦዲት አገልግሎት ለመስጠት የሚያስፈልገው ወቅታዊ የሥራ ፈቃድ ያለው ድርጅት መሆን።
2. በኢትዮጵያ የሂሳብ አያያዝና ኦዲት ቦርድ (AABE) የሚፈለገውን ምዝገባ/ፈቃድ ማሟላትና በጨረታው ወቅት ተግባራዊ ሁኔታ ላይ መሆን።
3. በትምህርት ተቋማት፣ በአክሲዮን ማህበራት ወይም በተመሳሳይ ድርጅቶች ላይ የኦዲት ልምድ ካለ ማስረጃ ማቅረብ።
4. ከማህበሩ፣ ከዳይሬክተሮቹ ወይም ከአስተዳደሩ ጋር የኦዲት ነፃነትን የሚጎዳ ግንኙነት እንደሌለ ማረጋገጫ ማቅረብ።
5. በተጠየቀ ጊዜ የባለሙያዎች ስም፣ የሙያ ፈቃድ፣ የሥራ ልምድና የማጣቀሻ ደንበኞች መረጃ ማቅረብ።

3. የሚቀርቡ ሰነዶች

ሀ) የንግድ ምዝገባ ሰርተፊኬትና ወቅታዊ የንግድ ፈቃድ።
ለ) የAABE ምዝገባ/ፈቃድ ማስረጃ።
ሐ) የድርጅቱ አጭር መግለጫ፣ የባለሙያዎች መረጃ፣ ተመሳሳይ ሥራ የሠሩበት ልምድና የሥራ ማጣቀሻዎች።
መ) የቴክኒክ ፕሮፖዛል:- የሥራ ዘዴ፣ የጊዜ ሰሌዳ፣ የሚመደቡ ባለሙያዎችና የሪፖርት ማቅረቢያ ጊዜ።
ሠ) የዋጋ ፕሮፖዛል:- ጠቅላላ የኦዲት ክፍያ፣ ታክስ/ተጨማሪ ክፍያዎች ካሉ በግልጽ ተለይተው የቀረቡበት።
ረ) የኦዲት ነፃነት መግለጫና ሌሎች የሕግ ተገዢነት ማስረጃዎች።

4. የጨረታ ሰነድ አቀራረብ

ተወዳዳሪዎች የቴክኒክ ፕሮፖዛላቸውንና የዋጋ ፕሮፖዛላቸውን በተለያዩ የታሸጉ ፖስታዎች በማቅረብ፣ ሁለቱንም በውጭ ፖስታ ውስጥ በማስገባት "የውጭ ኦዲት ጨረታው ተጫራቾች ወይም ሕጋዊ ወኪል ሣይገኝ አይከፈት" ብለው ይጻፉ። የድርጅቱን ስም፣ አድራሻና ስልክ በግልጽ ያስቀምጡ።

5. የማቅረቢያ ቦታና የጊዜ ገደብ

6. የግምገማ መስፈርቶች

የሕጋዊነትና የብቃት መስፈርቶችን ያሟሉ ሰነዶች ብቻ ይገመገማሉ። ግምገማው የቴክኒክ ብቃትን፣ የተመሳሳይ ሥራ ልምድን፣ የባለሙያ ብቃትን፣ የሥራ ዘዴን፣ የሪፖርት ማቅረቢያ ጊዜንና የዋጋ ተወዳዳሪነትን በሚያስተውል ቅድሚያ በተዘጋጀ የግምገማ ስንጠረዥ መሠረት ይካሄዳል። የግምገማ ነጥቦችና ክብደቶች ከጨረታው በፊት በማህበሩ ተወስነው ለተወዳዳሪዎች በእኩል ሁኔታ ይተገበራሉ።

7. የተጨማሪ ድንጋጌዎች

• የተሳሳተ፣ ያልተሟላ ወይም ከመዝጊያ ጊዜ በኋላ የቀረበ ሰነድ በጨረታው መመሪያ መሠረት ሊወገድ ይችላል።
• ማህበሩ በሕግ፣ በውስጥ ደንብና በጨረታው ሁኔታዎች መሠረት ጨረታውን የመሰረዝ ወይም የማስተካከል መብቱን ይጠብቃል።
• የተመረጠው ተወዳዳሪ የኦዲት ውል የሚፈጽመው የማህበሩን የሕግ ሂደት እና ተገቢውን የባለአክሲዮኖች ጠቅላላ ጉባኤ የሹመት ውሳኔ ካሟላ በኋላ ነው።
• የጨረታው ሂደት በማህበሩ ላይ ተፈጻሚ በሆኑ ሕጎች፣ በድርጅቱ መመስረቻ ሰነድና ውስጣዊ ደንቦች መሠረት ይፈጸማል።

የደሊጀንት ኢንተለክችዋልስ የትምህርት ተቋም አክሲዮን ማህበር